التربية الصحيحة

تعويد الطفل علي النوم بوقت محدد في غرفته

تريبة الأطفال

❣ نوم مشترك في غرفة الاب والام❓

❣ ومواعيد نوم ملخبطة جدا❓

❣ الأم في غربة و حياتها هي ابنها و بس و مافيش اي انشطة❓

☘ الحل/

?مواعيد نوم الطفل لما تكون مش مظبوطة يعني بيسهر بتخليه يزن ويتوتر

?انتي لازم تصحي بدري علشان انتي وهو يكون عندكم نشاط وكمان اعملي تمارين انتي و ابنك نزلي حاجات من على اليو تيوب و اقعدو اعملوها عشان يفرغ الطاقة اللي عنده

?عشان انتي كمان تشعري بالنشاط لو انتي في حتة غير السعودية وينفع تنزلو الصبح لوحدكو حديقه ولا منتزه يمشي فيه و تشوفوا الشمس يا ريت

?لو عندك بلكونة في البيت ممكن تحطي له طبق كبير و العاب ويلعب في المية و يبلبط شوية او حمام سباحة صغير من اللي بيتنفخو

وتزبيط نومه✅ يبدأ من انه

?يصحى بدري
?و تحاولي ما ينامش غير ساعة واحدة خلال اليوم ولنقل على 12 الضهر
?و بالليل الساعة سبعة و نص يكون متعشي و شبعان و في سريره
?و بتحكي له حدوتة
?وبعدين نوطي كل الانور و تصبح على خير

?على الاقل يتبقى لك انتي وقت بهدوء لو عايزة تقعدي حبة قبل ما جوزك يجي تزبطي البيت تعملي عشا حلو
تعملي ماكياج كدا يعني
او على الاقل خالص تنامي حبة لو مروقة كل حاجتك لحد ما جوزك يجي تقعدو شوية بهدوء

?وكان الطفل بينام معاهم في نفس الغرفة بس على سرير لوحده و هو عنده اوضة، فاتفقنا على التالي:

?عشان لازم تنقلي السرير في اوضته
? و تعملي حفلة و هوليلة و تغنو و ترقصوا

?انهاردة صحي على 6 صباحا ينام على واحدة او اتنين ساعة واحدة فقط و يصحصح بعدها (لو مش تعبان و مش محتاج ينام وعرفتي تخليه يلعب ويعديها مش مشكلة)

هايبقى? تعبان و عصبي عااادي اتحملي

?و بعدين بالليل على سبعة او سبعة و نص كد عشيه وشبعيه، وغيري له ا تبتدي تقولي له ياللا يا حبيبي عشان نغسل اسنانا (اه هاتي له فرشاة اسنان حلوة مناسبة لسنه وممكن تبتدي من غير معجون)

? و طلعي له بيجامة حلوة او لبس نوم (المهم انه يغير اللبس اللي قاعد بيه طول اليوم عشان يفهم الروتين دا)

?و بعدين تدخليه في السرير ممكن تغنو و تحكو حدوتة (وفي في مكتبة جرير عندك مجموعة قصص حلوة اوي اعتمدي على القصص اللي صورها كبيرة و الكتابة قليلة)

?وبعدين تخلصي و تبوسيه و تحضنيه و تقولي له يالا يا حبيبي نام تصبح على خير. وهنا يكون صوتك طيب حبة

وتسيبيه و تطلعي من الاوضة

هايقوم تاني وراكي لو بيعرف ينزل من السرير بتاعه

?تاخديه من ايده و تكوني اشد سنة صغيرة و قولي له نوم يا حبيبي تصبح على خير

هايعيط ويقوم تالت و هنا بقى الارادة القوية

تاخديه من ايده و ترجعيه السرير بدون ولا كلمة ولا تبصي له

?هايرجع تاني
?رجعيه تاني
?هايرجع تاني
?رجعيه تاني

لحد ما يزهق و يتعب و ينام
و تأكدي انك مشبعاه كويس

و ما تضعفيش☘

و عشان كدا باقولك لازم تكوني مرتبة نفسك و مرتبة باباه كمان معاكي عشان هايبقى عايز يجي يرتاح وممكن يعصب و يخليكي توقفي العملية دي

?فانتي اتفقي مع باباه وخليه يعرف اللي هايحصل تماما عشان تبقوا واضحين و عشان لو هو عصب انتي ما تتنرفزيش و تقلب بخناقة بينكو

الكلام دا❣ ممكن ياخد له اسبوع على حد اقصى و بعدين هاتدعي لي

? ???

━━━━━━━━

??‍♀إعداد وتنسيق د. رتاج النافعابي ??‍♀


________________________

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق
%d مدونون معجبون بهذه: