الجمال

طريقة عمل المحلب السوداني – 10 طرق

طريقة عمل المحلب السوداني :

? تسحنوا المحلب ناعم وتكبي فيهو ريحه جاهزه وتقفيله في علبة بعد تستحمي ولسه المويه في جسمك تمسحي جسمك كلو وتلبسي ملابسك من غير م تحتو .


كده ريحه ملابسك وجسمك رهيبه وبعدين بتكوني واثقه من نفسك لمن تكوني مع زوجك ?
? تكبي محلب ف قطعه وتربطيها وختيها جوه الدولاب والله ريحه مبالغه ?

? انا بحب اشيل حبة من العجنة واكب فيها موية وزيت احلها تكون خفييية واكب فيها صندلة وريحة بتكون شكل مسوح بعد الدخان او مع البوخة الاخيرة بكون مباااالغة ?


? محلب نى تحلي مع الدلكه السوداء وتدلكي بيها وتكب عليها خمره محلب وشوفي الريحة ?

? اعملي مخمريه محلب ني اعجني واضيفي ليه مسك وضفره وحبه صندليه وكبي ليه فلير لمن يفيض منه وسوطيه وخليه يتشربو تاني كبي ليه فلير لمن يفيض منه واضيفي صندليه دي عجنه خطيره ?

طريقة عمل المحلب السوداني :

محلب ني تغلي مويه وتضيفيها ليو شويه شويه لحدي م تشكلي عجينه لطيفه تجيبي المجموع الواحد دا تضيفي لي زي فنجان مليان وتضيفي ليو شويه دهن الصندل وشووويه خمرة حبه وتقفلي لمده يوم وتعالي احكي عن القصه ?


? تسحني محلب نااااعم مع مسك وصندل بدرة وزيت صندل واي ريحة زيتيه عندك ريحة جناااان وثقة زايدة وتخليك مميييزة ?

? اطحني المحلب ومعاه مسك وختي ف علبة شرط تكون زجاج شيلي منو كل مرة بالملعقة ما تدخلي ايدك ولا تصله موية … الحبة الشلتيها تكبي عليها من خمرة المسك وبعد تدخني وجسمك ابرد ادلكي بيها جسمك ..والله ريحتك مباااااالغة وكل ماتعرقي تفوح وترد الروح وبالهنا ?

طريقة عمل المحلب السوداني :

? المحلب تدقي في فندك الريحه لانو السحانه بتشيل ريحتو وبعدا تجي تكبي فيهو فلير وتاني حبة زيت وصندليه رشه بسيطه وتقفليها يوم كامل وتعالي شوفي ريحة تحففة ?

? محلب ني+صندليه+فلير دي أثناء الدخان…البوخه القبل الاخيره… وتعالي اتبخري بخور حلو…. وصلي ع النبي ?

? تسحني المحلب وتكبي فيه فرير وصندليه وتختي في التلاجه ريحتو فظيعه ?

اقرائي ايضا : اسرع طريقة لتطويل الشعر

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق
%d مدونون معجبون بهذه: